ಇಂಡೋನೇಷ್ಯಾದಲ್ಲಿ ಜೋಕೋವಿ ಗೆಲುವು

ಒಂದು ತಿಂಗಳ ಸುದೀರ್ಘ ಕಾಯುವಿಕೆ ಬಳಿಕ ಜೊಕೊವಿ ಎಂದು ಹೆಸರುವಾಸಿ ಆಗಿರುವ ಜೋಕೊ ವಿಡೋಡೊ ಅವರು ಇಂಡೋನೇಷ್ಯಾ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಇಂಡೋನೇಷ್ಯಾ ಚುನಾವಣೆಯು ಏಪ್ರಿಲ್ 17 ರಂದು ನಡೆಯಿತು. ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಚುನಾವಣೆಗಳು ನಡೆದವು. ಪೀಪಲ್ಸ್ ಕನ್ಸಲ್ಟೇಟಿವ್ ಅಸೆಂಬ್ಲಿ ಮತ್ತು ಸ್ಥಳೀಯ ವಿಧಾನಸಭೆಗಳಿಗೆ ಚುನಾವಣೆಗಳನ್ನು ನಡೆಸಲಾಯಿತು.

154 ಮಿಲಿಯನ್ ಮತದಾರರು ಈ ದೇಶದಲ್ಲಿದ್ದಾರೆ. ನೂರಾರು ದ್ವೀಪಗಳನ್ನು ಈ ದೇಶ ಒಳಗೊಂಡಿದೆ. ಆದರೂ ಒಂದೇ ದಿನದಲ್ಲಿ ಚುನಾವಣೆ ಪ್ರಕ್ರಿಯೆ ಮುಗಿಸಲಾಯಿತು. ಇಂಡೋನೇಷ್ಯಾ ಚುನಾವಣಾ ಆಯೋಗ ಇದಕ್ಕಾಗಿ ಮೆಚ್ಚುಗೆಗೆ ಪಾತ್ರವಾಗಿದೆ. ಏಪ್ರಿಲ್ 17ರಂದು ನಡೆದ ಚುನಾವಣೆಗೆ ಮೇ.21ರಂದು ಫಲಿತಾಂಶ ಘೋಷಿಸಲಾಯಿತು.

ಭಾರತದಲ್ಲಿ ನರೇಂದ್ರ ಮೋದಿ ನೇತೃತ್ವದ ರಾಷ್ಟ್ರೀಯ ಡೆಮಾಕ್ರಟಿಕ್ ಒಕ್ಕೂಟ ಮತ್ತು ಆಸ್ಟ್ರೇಲಿಯಾದ ಸ್ಕಾಟ್ ಮೊರ್ರಿಸನ್ ಗೆಲುವು ಸಾಧಿಸಿದ ಮಧ್ಯದಲ್ಲೇ ಇಂಡೋನೇಷ್ಯಾದಲ್ಲಿ ಈ ಫಲಿತಾಂಶ ಬಂದಿದೆ. ಮೂರು ಪ್ರಮುಖ ನೆರೆಹೊರೆಯ ಪ್ರಜಾಪ್ರಭುತ್ವ ದೇಶಗಳು ಚುನಾವಣೆ ಎಂಬ ತಮ್ಮ ದೊಡ್ಡ ಉತ್ಸವವನ್ನು ಪೂರ್ಣಗೊಳಿಸಿದವು. ಏಷ್ಯನ್ ರಾಜಕೀಯ ಸನ್ನಿವೇಶದಲ್ಲಿ ಜೋಕೊವಿಯ ಗೆಲುವು ಹೆಚ್ಚು ಆಸಕ್ತಿದಾಯಕವಾಗಿದೆ. ಈ ದೇಶಗಳ ಜನರು ತಮ್ಮ ಮನಸ್ಸನ್ನು ಮತಪತ್ರಗಳ ಮೂಲಕ ಹೊರಹಾಕಿದ್ದಾರೆ.

ಕುತೂಹಲಕಾರಿಯಾಗಿ, ಈ ಮೂರೂ ದೇಶಗಳಲ್ಲಿ, ಈ ಮೂರು ಸ್ಥಾನಮಾನದ ನಾಯಕರು ಕಠಿಣ ಚುನಾವಣಾ ಯುದ್ಧವನ್ನು ಎದುರಿಸಿದ್ದಾರೆ. ಆದಾಗ್ಯೂ, ಇಂಡೊನೇಶಿಯಾದ ಜೋಕೊವಿ, ಭಾರತದಲ್ಲಿ ಮೋದಿ, ಮತ್ತು ಆಸ್ಟ್ರೇಲಿಯಾದ ಮೋರಿಸನ್- ಎಲ್ಲರೂ ಆರಾಮವಾಗಿ ಗೆದ್ದಿದ್ದಾರೆ ಮತ್ತು ತಮ್ಮ ಕಚೇರಿಗಳಿಗೆ ಹಿಂದಿರುಗಿದ್ದಾರೆ.

ಚುನಾವಣೆಯಲ್ಲಿ, ಜೋಕೊವಿಯು 55 ಮಿಲಿಯನ್ಗಿಂತಲೂ ಹೆಚ್ಚಿನ ಮತಗಳನ್ನು ಪಡೆದಿದ್ದಾರೆ ಅಂದರೆ ಒಟ್ಟು 85 ಮಿಲಿಯನ್ ಮತಗಳನ್ನು ಹೊಂದಿದೆ. ಮಾಜಿ ಸ್ಪೆಶಲ್ ಫೋರ್ಸಸ್ ಕಮಾಂಡರ್ ಆಗಿರುವ ಅವರ ಪ್ರತಿಸ್ಪರ್ಧಿ ಪ್ರಬೌವ್ ಸುಬಿಯಾಂಟೊ ಕೇವಲ 45 ಪ್ರತಿಶತದಷ್ಟು ಮತಗಳನ್ನು ಪಡೆದರು. ಪ್ರೊಬವ್ 2014 ರಲ್ಲಿ ಜೋಕೋವಿ ವಿರುದ್ಧ ಹೋರಾಡಿದರು. ಆದರೆ ಚುನಾವಣೆಯಲ್ಲಿ ಸೋತರು. 2019 ರಲ್ಲಿ, ಜೋಕೊವಿಯ ವಿಜಯದ ಅಂತರವು ಇಂಡೋನೇಷ್ಯಾದ ಜನರಲ್ಲಿ ಅವರ ಜನಪ್ರಿಯ ಬೆಂಬಲವನ್ನು ಸ್ಪಷ್ಟವಾಗಿ ತೋರಿಸುತ್ತದೆ.

ಪೀಪಲ್ಸ್ ಕನ್ಸಲ್ಟೇಟಿವ್ ಅಸೆಂಬ್ಲಿ (ನ್ಯಾಷನಲ್ ಅಸೆಂಬ್ಲಿ) ಸೀಟುಗಳಿಗೆ ಸಂಬಂಧಿಸಿದಂತೆ, ಜೋಕೊವಿ ನೇತೃತ್ವದ ಇಂಡೊನೇಷ್ಯಾದ ಡೆಮೊಕ್ರಟಿಕ್ ಪಾರ್ಟಿ ಆಫ್ ಸ್ಟ್ರಗಲ್ (PDIP), 27 ಮಿಲಿಯನ್ ಮತಗಳೊಂದಿಗೆ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದೆ. ಪಿಡಿಐಪಿಗೆ ನಂತರ ಗರೀಂದ್ರ ಪಕ್ಷವು 17.6 ಮಿಲಿಯನ್ ಮತಗಳನ್ನು ಪಡೆದಿತು.

ಆದಾಗ್ಯೂ, ಜೋಕೊವಿಯ ಚುನಾವಣಾ ಗೆಲುವಿನ ನಂತರ, ಪ್ರಬೌವೊ ಮತ್ತು ಅವರ ಬೆಂಬಲಿಗರು ಚುನಾವಣಾ ಪ್ರಕ್ರಿಯೆಯನ್ನು ಅನ್ಯಾಯ ಮತ್ತು ಪಕ್ಷಪಾತಿ ಎಂದು ಕರೆದರು. ಜನರ ಆದೇಶವನ್ನು ಒಪ್ಪಿಕೊಳ್ಳಲು ನಿರಾಕರಿಸಿದ ಪರಿಣಾಮದ ಬಗ್ಗೆ ವಿವಾದ ಎದ್ದಿದೆ. ಪ್ರಬೌವ್ ಅವರ ನಿರಾಕರಣೆ ಜಕಾರ್ತಾದಲ್ಲಿ ಗಲಭೆಗಳಿಗೆ ಕಾರಣವಾಗಿದೆ ಮತ್ತು ಪ್ರಬೌವ್ ಅವರ ಬೆಂಬಲಿಗರಿಂದ ಉಂಟಾದ ಗಲಭೆಗಳಲ್ಲಿ ಆರು ಜನರು ಸಾವನ್ನಪ್ಪಿದ್ದಾರೆ ಮತ್ತು 200 ಕ್ಕಿಂತ ಹೆಚ್ಚು ಜನರು ಗಾಯಗೊಂಡಿದ್ದಾರೆಂದು ವರದಿಯಾಗಿದೆ. ಪರಿಸ್ಥಿತಿ ಈಗ ನಿಯಂತ್ರಣದಲ್ಲಿದೆ., ಸಾಮಾಜಿಕ ಮಾಧ್ಯಮ ಮೇಲೆ ಹೆಚ್ಚಿನ ಗಮನ ಇರಿಸಲಾಗಿದೆ.

ಪ್ರಬೌವ್ ಅವರು ಸಾಂವಿಧಾನಿಕ ನ್ಯಾಯಾಲಯದಲ್ಲಿ ಫಲಿತಾಂಶಗಳನ್ನು ಪ್ರಶ್ನಿಸಲು ನಿರ್ಧರಿಸಿದರು. ಅವರು ಹಿಂದಿನ ಬಾರಿ ಕೂಡ ಇದನ್ನೇ ಮಾಡಿ ವಿಫಲರಾಗಿದ್ದರು. ಕಳೆದ ಬಾರಿ ಚುನಾವಣಾ ವಂಚನೆ ಬಗ್ಗೆ ನಂಬಲರ್ಹ ಪುರಾವೆಗಳನ್ನು ಸಲ್ಲಿಸಲು ಸಾಧ್ಯವಾಗಿಲ್ಲ. ಈ ಬಾರಿ ಕೂಡ ಅಂತದ್ದೇ ಬೆಳವಣಿಗೆಯ ನೀರೀಕ್ಷೆ ಇದೆ.

ರಾಷ್ಟ್ರಪತಿ ಜೋಕೊವಿ ಮತ್ತು ಪ್ರಧಾನಿ ಮೋದಿ ಇಬ್ಬರ ಮರು ಚುನಾವಣೆಯೊಂದಿಗೆ, ಭಾರತ-ಇಂಡೋನೇಷ್ಯಾ ಸಂಬಂಧಗಳು ಮುಂದಿನ ಹಂತಕ್ಕೆ ಹೋಗಲು ಸಿದ್ಧವಾಗಿವೆ. ಭಾರತ ಮತ್ತು ಇಂಡೋನೇಷ್ಯಾ ಪ್ರಾದೇಶಿಕ ಶಾಂತಿ ಮತ್ತು ಸ್ಥಿರತೆ, ಆರ್ಥಿಕ ಬೆಳವಣಿಗೆ ಮತ್ತು ಸಾಂಪ್ರದಾಯಿಕ ಮತ್ತು ಸಾಂಪ್ರದಾಯಿಕವಲ್ಲದ ಭದ್ರತಾ ಸವಾಲುಗಳ ಎದುರಿಸುವಿಕೆ ಸೇರಿದಂತೆ ಹಲವಾರು ವಿಷಯಗಳ ಬಗ್ಗೆ ಆಸಕ್ತಿಯನ್ನು ಮತ್ತು ಕಾಳಜಿ ಹೊಂದಿವೆ. ಪೂರ್ವ ಏಷ್ಯಾದ ಶೃಂಗಸಭೆ ಮತ್ತು ASEAN ಪ್ರಾದೇಶಿಕ ವೇದಿಕೆಗಳಂತಹ ASEAN- ನೇತೃತ್ವದ ಕಾರ್ಯವಿಧಾನಗಳ ಜೊತೆಗೆ, ಎರಡು ರಾಷ್ಟ್ರಗಳು G20 ನಂತಹ ಪ್ರಮುಖ ವೇದಿಕೆಗಳ ಸದಸ್ಯರಾಗಿವೆ.

ಮೋದಿ 2018ರ ಇಂಡೋನೇಷ್ಯಾ ಭೇಟಿಯ ಸಂದರ್ಭದಲ್ಲಿ, ಎರಡು ದೇಶಗಳು ಸಮಗ್ರ ಕಾರ್ಯತಂತ್ರದ ಸಹಭಾಗಿತ್ವದಲ್ಲಿ ತಮ್ಮ ಸಂಬಂಧವನ್ನು ಹೆಚ್ಚಿಸಿಕೊಂಡವು. ಇಂಡೋನೇಶಿಯಾದ ಗ್ಲೋಬಲ್ ಮ್ಯಾರಿಟೈಮ್ ಫುಲ್ಕ್ರಾಮ್ ಮತ್ತು ಭಾರತದ 'ಆಕ್ಟ್ ಈಸ್ಟ್' ಪಾಲಿಸಿ, (ವಲಯದಲ್ಲಿನ ಎಲ್ಲಾ ಭದ್ರತೆ ಮತ್ತು ಬೆಳವಣಿಗೆ) ಪರಸ್ಪರ ಆದ್ಯತೆಗಳನ್ನು ಒಗ್ಗೂಡಿಸುವ ಹಲವಾರು ಸಾಮಾನ್ಯತೆಗಳನ್ನು ಹೊಂದಿವೆ. ಎರಡು ದೇಶಗಳ ನಡುವಿನ ದ್ವಿಪಕ್ಷೀಯ ವ್ಯಾಪಾರ 20 ಶತಕೋಟಿ $ ನಷ್ಟು ಮೌಲ್ಯದ್ದಾಗಿದೆ. ಭಾರತೀಯ ಪ್ರಧಾನಿ ಇಂಡೋನೇಷ್ಯಾ ಭೇಟಿ ಸಮಯದಲ್ಲಿ, ಎರಡು ದೇಶಗಳು 2025 ರ ವೇಳೆಗೆ ದ್ವಿಪಕ್ಷೀಯ ವ್ಯಾಪಾರವನ್ನು 50 ಶತಕೋಟಿ ಡಾಲರ್ಗೆ ಏರಿಸುವ ಭರವಸೆ ನೀಡಿವೆ.

ಇಬ್ಬರು ರಾಜಕೀಯ ಮುಖಂಡರು ಪರಸ್ಪರ ಸಹಕಾರ ಮೂಲಕ ತಮ್ಮ ದೇಶದ ಹಿತಾಸಕ್ತಿಗಳನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳುವ ಸಾಧ್ಯತೆಯಿದೆ. ಇದು ವ್ಯಾಪಾರ ಮತ್ತು ಹೂಡಿಕೆಗೆ ಅಡೆತಡೆಗಳನ್ನು ತೆಗೆದುಹಾಕುವ ಮೂಲಕ ಸಹಕಾರಿಯಾಗಲಿದೆ.

ಲೇಖನ : ಡಾ. ರಾಹುಲ್ ಮಿಶ್ರಾ, ಪೂರ್ವ ಮತ್ತು ಆಗ್ನೇಯ ಏಷ್ಯಾ ವ್ಯವಹಾರಗಳ ವಿಶ್ಲೇಷಕರು