ರೆಪೋದರವನ್ನು ಫ್ಲೋಟಿಂಗ್‌ ಲೋನ್‌ ರೇಟ್‌ ಗೆ ಸಂಪರ್ಕಿಸಿದ ಆರ್‌.ಬಿ.ಐ.

ಅಧಿಕೃತ ಬ್ಯಾಂಕಿಂಗ್‌ ಜಾಲದಿಂದ ಸಾಲ ಪಡೆಯುವವರು ಈ ನಿಟ್ಟುಸಿರು ಬಿಡುವಂತಾಗಿದೆ. ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾವು ವೈಯಕ್ತಿಕ, ಚಿಲ್ಲರೆ ವ್ಯಾಪಾರ, ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮ (ಎಂಎಸ್‌ಎಂಇ) ವಿಭಾಗಗಳಲ್ಲಿರುವ ಫ್ಲೋಟಿಂಗ್ ರೇಟ್‌ ಲೋನ್‌ ಗಳನ್ನು‌ ಬಾಹ್ಯ ಮಾನದಂಡಗಳೊಂದಿಗೆ ಜೋಡಿಸುವ ನಿರ್ಧಾರ ಕೈಗೊಂಡಿರುವುದು ಸ್ವಾಗತಾರ್ಹ. ಅಕ್ಟೋಬರ್ 1 ರಿಂದ ಜಾರಿಗೆ ಬರುವ ರೆಪೊ ದರವನ್ನು ಒಳಗೊಂಡಂತೆ ಈ ತೀರ್ಮಾನ ತೆಗೆದುಕೊಳ್ಳಲಾಗಿದೆ. ರೆಪೊ ದರವು ವಾಣಿಜ್ಯ ಬ್ಯಾಂಕುಗಳು ಆರ್‌ಬಿಐನಿಂದ ಹಣವನ್ನು ಎರವಲು ಪಡೆಯುವ ದರವನ್ನು ಸೂಚಿಸುತ್ತದೆ. ರೆಪೊ ದರ ಎಂದು ಕರೆಯಲ್ಪಡುವ ಪಾಲಿಸಿ ಸಾಲ ದರವನ್ನು ಅಪೆಕ್ಸ್ ಬ್ಯಾಂಕ್ ಕಡಿತಗೊಳಿಸಿದಾಗ, ಬ್ಯಾಂಕುಗಳು ತಮ್ಮ ಸಾಲ ದರವನ್ನು ಶೀಘ್ರವಾಗಿ ಕಡಿತಗೊಳಿಸಲು ಸಾಧ್ಯವಾಗಲಿಲ್ಲ.

ಆರ್‌ಬಿಐ ಪಾಲಿಸಿ ದರಗಳನ್ನು ಕಡಿತಗೊಳಿಸಿದಾಗಲೂ ಸಹ ಸಾಲಗಾರರ ಮೇಲೆ ವಿಧಿಸುವ ಬಡ್ಡಿದರಗಳನ್ನು ಕಡಿತಗೊಳಿಸಲು ಬ್ಯಾಂಕುಗಳು ಹಿಂಜರಿಯುತ್ತಿವೆ ಎಂದು ವ್ಯಾಪಾರ, ಕೈಗಾರಿಕೆ ಮತ್ತು ಗ್ರಾಹಕರು ಎಲ್ಲರೂ ವಿತ್ತೀಯ ನೀತಿಗಳ ಬಗ್ಗೆ ಅಸಮಾಧಾನ ಹೊರಹಾಕಿದ್ದರು. ಹೀಗಾಗಿ ಆ ಸಮಸ್ಯೆ ಪರಿಹರಿಸಲು ಈ ಕ್ರಮವನ್ನು ವಿನ್ಯಾಸಗೊಳಿಸಲಾಗಿದೆ. ಈ ವರ್ಷದ ಫೆಬ್ರವರಿ ಮತ್ತು ಜೂನ್ ನಡುವೆ ಆರ್‌ಬಿಐ ತನ್ನ ಆವರ್ತಕ ದ್ವಿ-ಮಾಸಿಕ ನೀತಿ ದರ ನಿರ್ಧಾರಗಳಲ್ಲಿ ರೆಪೊ ದರವನ್ನು 75 ಬೇಸಿಸ್ ಪಾಯಿಂಟ್‌ಗಳಿಂದ (ಬಿಪಿಎಸ್) ಕಡಿಮೆಗೊಳಿಸಿದಾಗ, ಬ್ಯಾಂಕುಗಳಲ್ಲಿನ ರೂಪಾಯಿ ಸಾಲಗಳ ಮೇಲಿನ ಸರಾಸರಿ ಸಾಲ ದರವನ್ನು ಕೇವಲ 29 ಬಿಪಿಎಸ್‌ನಿಂದ ಕಡಿಮೆ ಮಾಡಲಾಗಿದೆ.

ಸ್ವಲ್ಪ ಸಮಯದವರೆಗೆ ಮತ್ತು ಆರ್ಥಿಕತೆಯ ಮಂದಗತಿ ಮತ್ತು ನೈಜ ವಲಯಗಳಲ್ಲಿನ ಮಧ್ಯಸ್ಥಗಾರರಿಂದ ಕಡಿಮೆ ಸಾಲವನ್ನು ಪಡೆದ ಹಿನ್ನೆಲೆಯಲ್ಲಿ, ಆರ್‌ಬಿಐ ರೆಪೊ ದರ ಕಡಿತವನ್ನು ಠೇವಣಿದಾರರು ಮತ್ತು ಸಾಲಗಾರರಿಗೆ ರವಾನಿಸಲು ಬ್ಯಾಂಕುಗಳು ಮಾಡಬಹುದಾದ ವಿವಿಧ ಮಾರ್ಗಗಳನ್ನು ಏದುರು ನೋಡುತ್ತಿದೆ. . ಬ್ಯಾಂಕುಗಳು ತಂದಿರುವ ಒಂದು ಪ್ರಮುಖ ಉಪಕ್ರಮವೆಂದರೆ ರೆಪೊ-ಲಿಂಕ್ಡ್ ಠೇವಣಿ ಮತ್ತು ಸಾಲ ದರಗಳು. ಈ ವರ್ಷದ ಮೇ ತಿಂಗಳಿನಿಂದ, ದೇಶದ ಅತಿದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ತನ್ನ ಉಳಿತಾಯ ಬ್ಯಾಂಕ್ ಖಾತೆಗಳ ಮೇಲಿನ ಬಡ್ಡಿದರವನ್ನು ಮತ್ತು ಅಲ್ಪಾವಧಿಯ ಸಾಲಗಳನ್ನು ಆರ್‌ಬಿಐ ರೆಪೊ ದರಗಳಿಗೆ ಜೋಡಿಸುವುದಾಗಿ ಘೋಷಿಸಿತು. ಸಿಂಡಿಕೇಟ್ ಬ್ಯಾಂಕ್, ಯೂನಿಯನ್ ಬ್ಯಾಂಕ್, ಇಂಡಿಯನ್ ಬ್ಯಾಂಕ್, ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಅಲಹಾಬಾದ್ ಬ್ಯಾಂಕ್ ಇತರ ಐದು ಬ್ಯಾಂಕುಗಳು ತಮ್ಮದೇ ಆದ ರೆಪೊ-ಲಿಂಕ್ಡ್ ದರಗಳ ಆವೃತ್ತಿಯನ್ನು ಹೊರತರುವ ಯೋಜನೆಯನ್ನು ಪ್ರಕಟಿಸಿವೆ.

ಬ್ಯಾಂಕುಗಳು ಆರ್‌ಬಿಐನ ರೆಪೊ ವಿಭಾಗದಿಂದ ತಮ್ಮ ಹಣದ ಒಂದು ಶೇಕಡಾ ಮತ್ತು ಸಾರ್ವಜನಿಕರಿಂದ ಠೇವಣಿಗಳಿಂದ ಮಾತ್ರ ಪಡೆಯುವುದರಿಂದ, ತಮ್ಮ ಠೇವಣಿ ದರಗಳು ಮಧ್ಯಮವಾಗದ ಹೊರತು ಸಾಲ ದರವನ್ನು ಕಡಿತಗೊಳಿಸಲು ಅಸಮರ್ಥರಾಗಿರುತ್ತವೆ. ಆದ್ದರಿಂದ ಉಳಿತಾಯ ಖಾತೆಯ ಬಡ್ಡಿದರಗಳನ್ನು ರೆಪೊ ದರಕ್ಕೆ ಲಿಂಕ್ ಮಾಡುವುದರಿಂದ ಭಾಗಶಃ ಈ ಸಮಸ್ಯೆಯನ್ನು ಪರಿಹರಿಸುತ್ತದೆ. ಪ್ರತಿ ರೆಪೊ ದರ ಕಡಿತದ ನಂತರ ಬ್ಯಾಂಕುಗಳ ನಿಧಿಯ ವೆಚ್ಚವು ತಕ್ಷಣವೇ ಕುಸಿಯುತ್ತದೆ ಮತ್ತು ಸಾಲ ದರವನ್ನು ಕಡಿಮೆ ಮಾಡಲು ಅನುವು ಮಾಡಿಕೊಡುತ್ತದೆ.

ಹೊಸ ಮನೆ ಮತ್ತು ವಾಹನ ಸಾಲಗಳ ಸಂಪರ್ಕಕ್ಕಾಗಿ ಆರ್‌ಬಿಐ ಪ್ರಸ್ತಾಪಿಸಿರುವ ಮೂರು ಬಾಹ್ಯ ಮಾನದಂಡಗಳು ಎಂದರೆ ಅದರ ಪಾಲಿಸಿ ರೆಪೊ ದರ, ಫೈನಾನ್ಷಿಯಲ್ ಬೆಂಚ್‌ಮಾರ್ಕ್ಸ್ ಇಂಡಿಯಾ ಪ್ರೈವೇಟ್ ನೀಡಿದ ಭಾರತ ಸರ್ಕಾರದ ಮೂರು ತಿಂಗಳ ಮತ್ತು ಆರು ತಿಂಗಳ ಖಜಾನೆ ಬಿಲ್ (ಎಫ್‌ಬಿಐಎಲ್) ಅಥವಾ ಮಾರುಕಟ್ಟೆ ಬಡ್ಡಿದರದ ಇನ್ನಾವುದೇ ಮಾನದಂಡ . ಎಂಎಸ್‌ಎಂಇ ಸಾಲಗಳ ಹೊರತಾಗಿ ಇತರ ರೀತಿಯ ಸಾಲಗಾರರಿಗೆ ಇಂತಹ ಬಾಹ್ಯ ಬೆಂಚ್‌ಮಾರ್ಕ್ ಲಿಂಕ್ಡ್ ಸಾಲಗಳನ್ನು ನೀಡಲು ಆರ್‌ಬಿಐ ಬ್ಯಾಂಕುಗಳಿಗೆ ಅವಕಾಶ ನೀಡಿದೆ. ಆದಾಗ್ಯೂ, ಬ್ಯಾಂಕುಗಳು ನಿರ್ದಿಷ್ಟ ಸಾಲ ವಿಭಾಗದಲ್ಲಿ ಏಕರೂಪದ ಬಾಹ್ಯ ಮಾನದಂಡವನ್ನು ಅನುಸರಿಸಬೇಕಾಗುತ್ತದೆ.

ಬ್ಯಾಂಕುಗಳ ಠೇವಣಿ ಮತ್ತು ಸಾಲ ದರ ಪರಿಷ್ಕರಣೆ ಇಲ್ಲಿಯವರೆಗೆ ನಡೆಯುವ ವಿಧಾನಗಳು ನಿಗೂಢವಾಗಿದ್ದು, ಮೂಲ ದರ ಮತ್ತು ಕನಿಷ್ಠ ವೆಚ್ಚ-ಆಧಾರಿತ ಸಾಲ ವ್ಯವಸ್ಥೆ (ಎಂಸಿಎಲ್ಆರ್) ಗಳು ಬ್ಯಾಂಕಿನ ಕಾರ್ಡ್ ದರಗಳಿಗೆ ಬರಲು ಆಂತರಿಕ ಸೂತ್ರಗಳನ್ನು ಒಳಗೊಂಡಿರುತ್ತವೆ. ನೀತಿ ದರದ ಚಲನೆಗಳ ಅಸಮರ್ಪಕ ಪ್ರಸರಣವು ಬ್ಯಾಂಕ್ ಸ್ವಲ್ಪ ಸಮಯದವರೆಗೆ ಚಿಂತೆಗೀಡು ಮಾಡಿವೆ ಎಂಬುದು ಗುಟ್ಟಾಗಿಲ್ಲ. ಈ ಸನ್ನಿವೇಶದಲ್ಲಿಯೇ ರೆಪೊ ದರದಂತಹ ಬಾಹ್ಯ ಮಾನದಂಡವನ್ನು ಬಳಸುವುದು ಚಿಲ್ಲರೆ ಸಾಲಗಾರರು ಮತ್ತು ಠೇವಣಿದಾರರಿಗೆ ಪ್ರಕ್ರಿಯೆಯನ್ನು ಪಾರದರ್ಶಕಗೊಳಿಸುತ್ತದೆ.

ಹೊಸ ಸಾಲದ ಬೆಲೆ ವಿಧಾನಕ್ಕೆ ವಲಸೆ ಹೋಗುವುದು ವೇಗವಾಗಿ ವಿತ್ತೀಯ ಪ್ರಸರಣಕ್ಕೆ ಸಹಾಯ ಮಾಡುತ್ತದೆ. ಆದರೆ ಬ್ಯಾಂಕುಗಳಿಗೆ ಹೆಚ್ಚಿನ ಚಂಚಲತೆಯನ್ನು ತರುತ್ತದೆ. ರೆಪೊ ದರ ಕುಸಿದಾಗ ಠೇವಣಿ ದರವನ್ನು ಕತ್ತರಿಸುವುದು ಮತ್ತು ಸಾಲದ ದರಗಳು ಏರಿದಾಗ ಅದನ್ನು ಹೆಚ್ಚಿಸಲು ಬ್ಯಾಂಕುಗಳು ಸಿದ್ಧರಿರುವುದರಲ್ಲಿ ಸಂಶಯವಿಲ್ಲ. ಇತ್ತೀಚಿನ ಕ್ರಮವು ವಾಹನ ಅಥವಾ ಮನೆಗಳನ್ನು ಖರೀದಿಸಲು ಸಾಲಗಾರರು ಪಡೆಯುವ ಹೊಸ ಫ್ಲೋಟಿಂಗ್‌ ರೇಟ್‌ ಸಾಲಗಳ ಬಡ್ಡಿ ವೆಚ್ಚವನ್ನು ಕಡಿಮೆ ಮಾಡಲು ಬದ್ಧವಾಗಿದ್ದರೂ, ವಾಣಿಜ್ಯ ಬ್ಯಾಂಕುಗಳು ಠೇವಣಿದಾರರಿಗೆ ಪಾವತಿಸುವ ಬಡ್ಡಿದರವನ್ನು ಕಡಿತಗೊಳಿಸಲು ಒತ್ತಾಯಿಸಬಹುದು ಎಂದೂ ಹೇಳಲಾಗುತ್ತಿದೆ.

ಲೇಖನ : ಜಿ. ಶ್ರೀನಿವಾಸನ್‌, ಹಿರಿಯ ಆರ್ಥಿಕ ಪತ್ರಕರ್ತರು