ಭವಿಷ್ಯದ ಬೆಳವಣಿಗೆಯ ಸುಳಿವು ನೀಡಿದ ಆರ್ಥಿಕ ಸಭೆ

ಮರು-ಉತ್ಪಾದಕ, ಅಂತರ್ಗತ ಮತ್ತು ಸುಸ್ಥಿರ ಆರ್ಥಿಕತೆಯ ದೃಷ್ಟಿಕೋನದಿಂದ ಪ್ರೇರಿತವಾದ ಭಾರತದ ನೀತಿ ಪರಿಹಾರಗಳು ಹತ್ತು ಟ್ರಿಲಿಯನ್ ಡಾಲರ್ ಆರ್ಥಿಕತೆಯನ್ನು ಖಾತರಿಪಡಿಸುವಲ್ಲಿ ದೃಢ ಹೆಜ್ಜೆ ಇಡಲು ಮುಂದಾಗಿದೆ. ನವದೆಹಲಿಯಲ್ಲಿ ಕಾನ್ಫೆಡರೇಶನ್ ಆಫ್ ಇಂಡಿಯನ್ ಇಂಡಸ್ಟ್ರಿ (ಸಿಐಐ) ಜಂಟಿಯಾಗಿ ಆಯೋಜಿಸಿದ್ದ ಭಾರತ ಆರ್ಥಿಕ ಶೃಂಗಸಭೆಯಲ್ಲಿ ಅಭಿಪ್ರಾಯಗಳನ್ನು ಹಂಚಿಕೊಂಡ ವಿಶ್ವ ಆರ್ಥಿಕ ವೇದಿಕೆಯ (ಡಬ್ಲ್ಯುಇಎಫ್) ಅಧ್ಯಕ್ಷ ಬರ್ಜ್ ಬ್ರೆಂಡೆ ಅವರು ಇದೇ ಅಂಶವನ್ನು ಘೋಷಿಸಿದರು. ವಿಶೇಷವಾಗಿ ಗಮನಾರ್ಹ ಸಂಗತಿಯೆಂದರೆ, ಸಾಗರೋತ್ತರ ಮತ್ತು ದೇಶೀಯ ಮುಖಂಡರು ಮತ್ತು ವ್ಯಾಪಾರ ಕಾರ್ಯನಿರ್ವಾಹಕರು ಸೇರಿದಂತೆ ಹೆಚ್ಚಿನ ಭಾಗವಹಿಸುವವರು ಕೂಡ ಇದಕ್ಕೆ ಪೂರಕವಾದ ಅಭಿಪ್ರಾಯ ಹೊರಹಾಕಿದ್ದಾರೆ. ನಿರ್ಣಾಯಕ ಜಾಗತಿಕ ಸವಾಲುಗಳ ಪರಿಹಾರಕ್ಕಾಗಿ ವಿಶ್ವಕ್ಕೆ ಪುನರಾವರ್ತಿತ ಮತ್ತು ಅನುಕೂಲವಾದ ಮಾದರಿಗಳನ್ನು ಒದಗಿಸುವ ಮೂಲಕ ಜಾಗತಿಕ ನಾಯಕರಾಗಿ ಹೊರಹೊಮ್ಮಲು" ಭಾರತವು ಒಂದು ಆದರ್ಶ ಮತ್ತು ಪ್ರೇರಣೆಯಾಗಿ ತನ್ನನ್ನು ತಾನು ಸ್ಥಾಪಿಸಿಕೊಳ್ಳಬಹುದು "ಎಂಬ ಒಮ್ಮತವಿದೆ.

ಬ್ಯಾಂಕ್ ವಿಲೀನಗಳು ಮತ್ತು ಕಾರ್ಪೊರೇಟ್ ತೆರಿಗೆ ಕಡಿತದಂತಹ ಇತ್ತೀಚಿನ ಹಲವು ಸುಧಾರಣೆಗಳು ಹೂಡಿಕೆಯ ತಾಣವಾಗಿ ಭಾರತದ ಆಕರ್ಷಣೆಯನ್ನು ಹೆಚ್ಚಿಸಿವೆ ಎಂದು ಡಬ್ಲ್ಯುಇಎಫ್ ವ್ಯವಸ್ಥಾಪಕ ನಿರ್ದೇಶಕಿ ಸರಿತಾ ನಾಯರ್ ಸೂಕ್ತವಾಗಿ ಗಮನಿಸಿದರು. ಕಾರ್ಪೊರೇಟ್ ದರ ತೆರಿಗೆ ಕಡಿತವು ಆರ್ಥಿಕತೆಗೆ ಹೆಚ್ಚು ಅಗತ್ಯವಾದ ಪ್ರಚೋದನೆಯಾಗಿತ್ತು. ಇದು ಈಗ ಭಾರತವನ್ನು ತನ್ನ ದಕ್ಷಿಣ ಮತ್ತು ಆಗ್ನೇಯ ಏಷ್ಯಾದ ಗೆಳೆಯರೊಂದಿಗೆ ಹೊಂದಿಸುತ್ತದೆ, ಅದರ ವಿಶಾಲ ದೇಶೀಯ ಮಾರುಕಟ್ಟೆಗಳ ದೃಷ್ಟಿಯಿಂದ ಅದನ್ನು ಸ್ಪರ್ಧಾತ್ಮಕ ದಿಶೆಯಲ್ಲಿ ಕೊಂಡೊಯ್ಯುತ್ತದೆ.

ಪ್ರಾದೇಶಿಕ ಜನಾಂಗೀಯ ಮತ್ತು ಭಾಷಾ ವೈವಿಧ್ಯತೆಯ ಹೊರತಾಗಿಯೂ, ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸೀನಾ ದಕ್ಷಿಣ ಏಷ್ಯಾವನ್ನು ಎದುರಿಸುತ್ತಿರುವ ಬಡತನದಂತಹ ಸಾಮಾನ್ಯ ಸವಾಲುಗಳನ್ನು ಸೋಲಿಸಲು ಒಟ್ಟಾಗಿ ಕೆಲಸ ಮಾಡಲು ಒಂದು ವಿಶೇಷವಾದ ಒತ್ತನ್ನು ನೀಡಿದರು. ಬಾಂಗ್ಲಾದೇಶದ ವಿವಿಧ ಕ್ಷೇತ್ರಗಳಲ್ಲಿ ಭಾರತೀಯ ವ್ಯವಹಾರಕ್ಕೆ ಭಾರಿ ಸಾಮರ್ಥ್ಯವಿದೆ ಎಂದು ಅವರು ಹೇಳಿದರು. ನಿರ್ದಿಷ್ಟವಾಗಿ, ಶ್ರೀಮತಿ ಹಸೀನಾ ಅವರು “ವ್ಯಾಪಾರ ಮತ್ತು ಹೂಡಿಕೆಯನ್ನು ಒಟ್ಟಾಗಿ ನೋಡಲು ಬಯಸುತ್ತಾರೆ, ಭಾರತೀಯ ಹೂಡಿಕೆದಾರರು ಬಾಂಗ್ಲಾದೇಶದಲ್ಲಿ ಕೈಗಾರಿಕೆಗಳನ್ನು ಸ್ಥಾಪಿಸಬಹುದು ಮತ್ತು ಉತ್ಪನ್ನಗಳನ್ನು ಈಶಾನ್ಯ ರಾಜ್ಯಗಳಿಗೆ ಮತ್ತು ಆಗ್ನೇಯ ಏಷ್ಯಾದ ದೇಶಗಳಿಗೆ ರಫ್ತು ಮಾಡಬಹುದು, ಸುಧಾರಿತ ಸಂಪರ್ಕದ ಲಾಭವನ್ನು ಪಡೆದುಕೊಳ್ಳುಲು ಸಾಧ್ಯವಿದೆ ಎಂದಿದ್ದಾರೆ. ಇಸ್ಲಾಮಾಬಾದ್‌ನ ಆಸಕ್ತಿಯ ಕೊರತೆಯಿಂದಾಗಿ ಸಾರ್ಕ್ ಪ್ರಾದೇಶಿಕ ವ್ಯಾಪಾರ ಒಪ್ಪಂದದಲ್ಲಿನ ಬಿಕ್ಕಟ್ಟನ್ನು ಮುರಿಯಲು ಇದು ಸರಿಯಾದ ಮಾರ್ಗವಾಗಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವ ಡಾ. ಎಸ್. ಜೈಶಂಕರ್ ಅವರು, " ಒಂದು ದೇಶ ಹೊರತುಪಡಿಸಿ ಇಡೀ ನೆರೆಹೊರೆಯ ದೇಶಗಳ ಪ್ರಾದೇಶಿಕ ಸಹಕಾರದಲ್ಲಿ ಮುಂದಿವೆ. ಒಂದನ್ನು ಹೊರತುಪಡಿಸಿ ಎಂದರೆ ಇಲ್ಲಿ ಡಾ. ಜೈಶಂಕರ್ ಅವರು ಪಾಕಿಸ್ತಾನವನ್ನು ಸ್ಪಷ್ವಾಗಿ ಉಲ್ಲೇಖಿಸಿದ್ದಾರೆ. ಕಾಶ್ಮೀರ ಸಮಸ್ಯೆಯನ್ನು ಜಾಗತಿಕ ಸಮುದಾಯವು ಭಾರತದ ಆಂತರಿಕ ಸಮಸ್ಯೆಯೆಂದು ಪರಿಗಣಿಸಿದೆ.

ಯುಎಸ್ ಮತ್ತು ಭಾರತದ ನಡುವಿನ ವ್ಯಾಪಾರ ಒಪ್ಪಂದಕ್ಕೆ ಬಹಳ ಹಿಂದೆಯೇ ಸಹಿ ಹಾಕಬಹುದಿತ್ತು ಎಂದು ಅಮೆರಿಕದ ವಾಣಿಜ್ಯ ಕಾರ್ಯದರ್ಶಿ ವಿಲ್ಬರ್ ರಾಸ್ ಹೇಳಿದ್ದಾರೆ. ಈ ಅಂಶವನ್ನು ಭಾರತದ ವಾಣಿಜ್ಯ ಸಚಿವ ಪಿಯೂಷ್ ಗೋಯಲ್ ಕೂಡ ಪ್ರಸ್ತಾಪಿಸಿದರು. ಎರಡೂ ಮಾರುಕಟ್ಟೆಗಳಲ್ಲಿ ದೇಶೀಯ ಉತ್ಪನ್ನಗಳ ರಕ್ಷಣಾತ್ಮಕತೆ ಸೇರಿದಂತೆ ಜಿಗುಟಾದ ದ್ವಿಪಕ್ಷೀಯ ಸಮಸ್ಯೆಗಳ ಆರಂಭಿಕ ಪರಿಹಾರಕ್ಕೆ ಇದು ಪ್ರಚೋದನೆಯನ್ನು ನೀಡುತ್ತದೆ. ಕಾರ್ಯದರ್ಶಿ ರಾಸ್ ಈ ಬಗ್ಗೆ ಗಮನಸೆಳೆದಾಗ, ಭಾರತವು ತನ್ನ ಸಣ್ಣ ಚಿಲ್ಲರೆ ವ್ಯಾಪಾರಿಗಳ ಹಿತಾಸಕ್ತಿಯನ್ನು ಸಮತೋಲನಗೊಳಿಸಬೇಕಾಗಿದ್ದು, ಇ-ಕಾಮರ್ಸ್ ಮೂಲಕ ಅಗ್ಗದ ಉತ್ಪನ್ನಗಳಿಗೆ ದೇಶದ ಜನರಿಗೆ ಅವಕಾಶ ನೀಡಬೇಕಿದೆ. ಸಚಿವ ಗೋಯಲ್ ಅವರು ಇ-ಕಾಮರ್ಸ್ ಅನ್ನು ಸಮರ್ಥಿಸಿಕೊಂಡರು.

ನೀತಿ ಆಯೋಗದ ಸಿಇಒ ಅಮಿತಾಭ್ ಕಾಂತ್ ಅವರು ಕಾರ್ಪೊರೇಟ್ ತೆರಿಗೆ ದರ ಕಡಿತ, ಸಾರ್ವಜನಿಕ ವಲಯದ ಹೂಡಿಕೆ ಮತ್ತು ಆಸ್ತಿ ಹಣಗಳಿಸುವಿಕೆಯ ಕ್ರಮಗಳನ್ನು ಎತ್ತಿ ತೋರಿಸಿದರು ಮತ್ತು ದೇಶದ ಆರ್ಥಿಕ ಬೆಳವಣಿಗೆಯನ್ನು ಮತ್ತಷ್ಟು ಹೆಚ್ಚಿಸಲು ಹೆಚ್ಚಿನ ಸುಧಾರಣೆಗಳು ನಡೆಯುತ್ತಿವೆ ಎಂದು ತಿಳಿಸಿದರು. ಕಳೆದ ಐದು ವರ್ಷಗಳಲ್ಲಿ ಭಾರತದ ಆರ್ಥಿಕತೆಯು ಶೇಕಡಾ 7.5 ರಷ್ಟು ಬೆಳೆದಿದೆ ಎಂದರು.

ಎರಡು ದಿನಗಳ ಭಾರತ ಕೇಂದ್ರಿತ ಆರ್ಥಿಕ ಸಮಾವೇಶವು ತನ್ನ ನಾಗರಿಕರಿಗೆ ಸುಸ್ಥಿರ ಬೆಳವಣಿಗೆಯನ್ನು ಖಾತರಿಪಡಿಸಿದೆ. ಅಭಿವೃದ್ಧಿಯ ದೃಷ್ಟಿಯಿಂದ ಭಾರತ ಕೈಗೊಂಡ ಕ್ರಮಗಳು ಇದಕ್ಕೆ ಪೂರಕವಾಗಿವೆ. ಸಮಗ್ರ ಬೆಳವಣಿಗೆಯನ್ನು ಹೊಂದಲು ತನ್ನ ಸಮಗ್ರ ರಚನಾತ್ಮಕ ಸುಧಾರಣೆಗಳನ್ನು ಅನುಸರಿಸಲು ಭಾರತದ ನಿರಂತರ ಅನ್ವೇಷಣೆಯನ್ನು ಸಹ ಶೃಂಗಸಭೆ ಸೂಚಿಸಿತು.